د ملګرو ملتونو خبرداری: ۱۳ میلیونه سوریایان د خوړو له کمښت سره مخ دي

د ملګرو ملتونو د بیړنیو مرستو همغږي کوونکي ټام فلیچر وویل، چې د سوریې بشري وضعیت د وروستیو پرمختګونو سره سره لا هم خراب دی او ۱۳ میلیونه انسانان د خوراکي توکو بېړنیو مرستو ته اړتیا لري.

فلیچر په نیویارک کې د ملګرو ملتونو امنیت شورا ته په وینا کې وویل، د ډسمبر په لومړیو کې د اوږدې مودې ډیکتاتور بشارالاسد د حکومت له ړنګېدو راهیسې امنیت ټینګ شوی او میلیونونو خلکو د مرستو ترلاسه کول بیا پیل کړي، خو لا هم ملاتړ ته اړتیا ده.

فلیچر وویل: "نږدې ۱۳ میلیونه سوریایان لاهم د خورا سخت خوراکي کمښت سره مخ دي."