لوکزامبورګ له افغانستان سره د یو نیم ملیونه یورو په شاوخوا کې مرسته وکړه

د افغانستان ځانګړی اماني صندوق وایي چې لوکزامبورګ شاوخوا ۱.۵ میلیون یورو دغه صندوق ته سپارلې دي.

د ملګرو ملتونو تر نظر لاندې دغه صندوق ویلي، چې دغه مرسته شوې پیسې به د افغانانو لپاره د بنسټیزو خدمتونو په برخه کې ولګول شي.
دغه صندوق د سې شنبې په ورځ د مرغومي په ۱۸مه په اېکس پاڼه لیکلي: «دغه ملاتړ د هغو افغانو کورنیو لپاره هیله بخښونکی دی چې له اقتصادي ننګونو سره مخامخ دي.»
د افغانستان ځانګړی اماني صندوق یو مالي بنسټ دی چې د ملګرو ملتونو تر چتر لاندې د ادارو او بنسټونو ملاتړ کوي.
د دغه صندوق موخه له افغانستان سره د هېوادونو د بشري مرستو همغږي کول ياد شوي دي.