پاریس کې ۳ پولیس افسران د غیرې ارادي وژنې په تور محاکمه کېږي
د فرانسې په پلازمینه پاریس کې درې پولیس افسران له دې امله محاکمه کیږي، چې د یو تورن کس د غیرې ارادي وژنې لامل شوي دي. د دغو پولیس افسرانو له یوه سړي سره ناسم چلند ددې لامل شوی چې هغه په روغتون کې مړ شي.
۴۲ کلن سیډیک چوویات په ۲۰۲۰ کال کې د پولیسو له خوا د نیول کیدو پر مهال په ځمکه ولوېد، بې هوښه شو او وروسته بیا په روغتون کې ومړ.
سیډیک چوویات د نیول کېدو پر مهال څو ځله پولیسو ته د خپل بد حالت په اړه ویلي و، چې غواړي ساه واخلي.
د دغې قضیې دوه پولیس افسرانو د استناف غوښتنه کړې.
څېړنو موندلې، چې افسرانو د چوویات د نیولو پرمهال «غفلت، نامناسب او ناسم چلند» کړی.
دا پېښه د ۲۰۲۰ کال د جنورۍ په ۳مه رامنځته شوه او چوویات د جنورۍ په ۵مه په روغتون کې مړ شو.
شپږ میاشتې وروسته، د یوې څیړنې جزییاتو وښودله چې هغه د هوش له لاسه ورکولو دمخه په ۱۳ ثانیو کې نهه ځله وویل «زه ساه اخستل غواړم.»
په فرانسه کې د پولیسو له له خوا د تاوتریخوالي پېښې ډېرې شوي دي. په ورستیو کلونو کې د پولیسو ناسم چلند په دغه هېواد کې د سختو لاریونونو لامل شوی، چې په دغه لاریونو کې ځاني او مالي تلفات هم اوښتي.
