له پرله پسې جګړې وروسته زرګونو اسراییلي پوځیانو په غزه کې له جګړې ډډه کړې
د اسراییل د پوځ ویاند په یوه بیان کې وویل، چې په غزه کې په زرګونو اسراییلي پوځیانو له جګړې ډډه کړې ده. د اسراییلي رسنیو د راپورونو له مخې، پوځیان د رواني فشارونو له امله له جنګي دندو ډډه کړې ده. بل خوا د سرتېرو په منځ کې د ځان وژنې شمېر هم د اندېښنې وړ ډېر شوی دی.
د اسراییل د پوځي چارواکو په وینا، په ۲۰۲۴ کال کې ۲۱ اسراییلي سرتېرو ځان وژنه کړې ده او په ۲۰۲۳ کال کې ۱۷ اسراییلي سرتېرو ځان وژنه کړې وه.
د دغو چارواکو په وینا، سرتېرو له ۲۰۱۱ کال راهیسې یو ځل بیا ځان وژنې ته مخه کړې او ځان وژنه د اسراییلي پوځ د مرګ دویم ستر لامل دی.
د خبر له مخې، تېر کال د ځان وژنې په پېښو کې ۱۲ او په تېرو دوو کلونو کې د فلسطینیانو پر وړاندې عملیاتو کې ۸۰۷ سرتېري وژل شوي دي.
د اسراییل هر وګړی باید دوه کاله پوځ کې دنده ترسره کړي او د جګړې په صورت کې د جګړې میدان ته ولاړ شي. که څوک له دې څخه انکار وکړي زنداني کیدلې هم شي.
