زېمبابوې د اعدام مجازات لغوه کړل

زېمبابوې چې له ۲۰۰۵ کال راهیسې په دغه هېواد کې هېڅوک اعدام کړي نه دي، بالاخره د اعدام مجازات یې په رسمي توګه لغوه کړل.

دغه هېواد د ۲۰۲۴ کال په وروستۍ ورځ د اعدام د مجازاتو په لغوې سره د نړۍ ۱۲۷ هېواد شو، چې دغه مجازات په کې پایته ورسېدل.
له دې سره، د دغه قانون په یوې ماده کې راغلي چې د بېړني وضعیت په صورت کې دغه قانون د لغوې وړ دی.
دا په داسې حال کې ده، چې د نړۍ ډېری هېوادونه په خپل هېواد کې د اعدام د مجازاتو د پایته رسېدو په هڅه کې دي.
اروپایي اتحادیې تر دې وړاندې اعلان کړی و چې د اعدام د مجازاتو له هر ډول پایته رسېدو ملاتړ کوي.