د مقاومت جبهه: په تېرې لېندۍ میاشتې کې مو په بېلابېلو بریدونو کې ۴۲ طالبان وژلي دي
د مقاومت جبهه وایي، چې د تېرې لېندۍ میاشتې په اوږدو کې یې په ۲۵ بېلابېلو عملیاتو کې ۷۱ تنه طالبانو ته مرګژوبله اړولې ده.
دغې جبهې زیاته کړې، چې په دغو عملیاتو کې یې شاوخوا ۴۲ طالبان وژلي او ۲۹ نور یې بیا ټپیان کړي دي.
دغې جبهې پر اېکس پاڼه کاږلي، چې دغه عملیات یې په اتو ولایتونو کې ترسره کړي دي.
د دغې جبهې په وینا، دغه عملیات یې په کابل، هرات، بادغیس، فراه، بدخشان، پروان، کاپیسا او کندوز ولایتونو کې ترسره کړي دي.
دغې جبهې وړاندې لیکلي، چې ډېری دغه عملیات د شپې لهخوا ترسره شوي چې د ملکي تلفاتو مخنیوی وشي.
واک ته د طالبانو له رسېدو وروسته د مقاومت او ازادۍ جبهه وخت ناوخت پر طالبانو د بریدونو او دغو ډلو ته د اوښتو تلفاتو راپورونه خپاره کوي.
خو طالبان بیا د دغو بریدونو او راپورونو پخلی نه کوي.
افغانستان انټرنشنل هم د یوې خپلواکې او بې پرې رسنۍ په توګه د دغې ادعا تایید نه شي کولای؛ خو په تېره میاشت کې د مقاومت په نامه جبهې وخت نا وخته د یو لړ خبر پاڼو له مخې د بېلابېلو بریدونو ادعاوې کړې او ګڼو رسنیو خپرې کړې هم دي.
