طالبان وایي، چې په بلخ کې یې بېرته راستنو شویو کډوالو ته کورونه جوړ کړي دي
طالبان وایي، چې د بلخ ولایت په شولګرې ولسوالۍ کې یې افغانستان ته د بېرته راستنو شویو کډوالو د ۴۰ کورنیو لپاره کورونه جوړ کړي دي. خو ستانه شوي کډوال شکايت کوي چې ورسره شوې ژمنې په سم ډول نه دي عملي شوې.
د طالبانو تر واک لاندې د ملي ټلویزیون پر اېکس پاڼه په بلخ ولایت کې د دغې ډلې د کډوالو او بېرته راستنېدونکو چارو ادارې د یوه چارواکي په حواله لیکلي، چې دغه کورونه یې د یوه خیریه بنسټ په مرسته جوړ کړي دي.
دغه کورونه هغو کډوالو ته جوړ شوي، چې له ګاونډیو هېوادونو بېرته افغانستان ته ستنېدلي او سرپناه نه لري.
د افغانستان دوه ګاونډي هېوادونه هره ورځ شاوخوا سل کډوالې کورونۍ د قانوني اسنادو د نشتوالي له امله په زوره له دغو هېوادونو باسي.
اوس هم ډېری ستنېدلي کډوال د کډوالو لپاره په ځانګړو شویو پنډغالو کې شپې سبا کوي او د سرپناه له نشتوالي سر ټکوي.
نن سبا افغانستان ته د بېرته ستنېدونکو کډوالو لویه ننګونه هم سرپناه ده؛ خو ځیني کډوال د طالبانو لهخوا دوی ته د شویو ژمنو پر نه عملي کېدو نیوکه کوي.
