د زیمبابوې کرېکټ لوبډلې افغان لوبډلې ته د ۱۲۸ منډو هدف وټاکه
د افغانستان او زیمبابوې ترمنځ په دریمه نړیواله یو ورځنۍ لوبه کې زیمبابوې د ټولو لوبغاړو په سوځېدو سره افغان لوبډلې ته ۱۲۸ منډې هدف وټاکه.
د دې لوبلړۍ لومړنۍ لوبه د باران له کبله بې نتیجې اعلان شوه، خو دویمه لوبه افغان لوبډلې په لوی توپیر وګټله.
تر دې سیالیو مخکې افغان ملي لوبډلې له زیمبابوې سره د شل اوره سیالیو لړۍ هم درلوده.
هغه لړۍ افغان لوبډلې دوه د یو په مقابل کې وګټله.
د افغان کرېکټ بورډ د اعلامیې له مخې، په نننۍ سیالۍ کې د افغان لوبډلې په ګټه غضنفر ۵، راشد خان ۳، فرید احمد ملک او عظمت الله عمرزي یوه-یوه ویکټ ترلاسه کړه.
افغان لوبغالي په څو شېبو کې د زیمبابوې په مقابل کې توپ وهنې ته کوزېږي.
افغان کرېکټ لوبډلې د دې لړۍ دویمه لوبه د ۲۳۲ منډو په لوی توپیر ګټلې وه، خو لومړنۍ لوبه د باران له کبله بې پایلې شوه.
