اوچا: اسراییلي ځواکونو په تېرو دوو میاشتو کې د غزې پر ښوونځیو ۹۵ بریدونه کړي دي
د ملګرو ملتونو د بشري مرستو د همغږۍ اداره «اوچا» وايي، د ملګرو ملتونو ادارې د اکتوبر له شپږمې راهیسې د ډسمبر تر ۱۵مې پورې په غزه کې د اسراییلي ځواکونو لهخوا پر ښوونځیو ۹۵ بریدونه مستند کړي دي.
دغه ښوونځي د ډېرو بې ځایه شویو فلسطینیانو لپاره د سرپناه کولو له پاره خوندي ځایونه وو.
د اوچا لهخوا په خپرې شوې خبرپاڼه کې ویل شوي، چې د دغو دوو میاشتو په ترڅ کې شاوخوا ۶۱ بریدونه په شمالي غزې کې ترسره شوي دي.
د خبرپاڼې له مخې، د ډسمبر په ۱۴مه او ۱۵مه په غزه کې څلور ښوونځي په نښه شوي وو.
خبرپاڼه زیاتوي، چې د بیت حانون پر خلیل عویده ښوونځي د اسراییل په برید کې چې لسګونه کسان ووژل شول؛ خلک یې دې ته اړ اېستل چې له دغې سیمې سوېلي خوا ته وتښتي.
له بل پلوه د خان یونس په المواصي کې پر احمد بن عبدالعزیز ښوونځي د اسراییل بمي برید چې لږ تر لږه ۲۰ کسان یې ووژل په وژل شویو کسانو کې ۱۲ ماشومان هم شامل وو، چې عمرونه یې له ۱۲ کلونو کم ول.
