د قاید اعظم صوبايي لوبو کې پنجاب صوبه د سرو زرو ۳۵ مډالونو په ګتلو تر ټولو مخکښه ده
د پاکستان پنجاب صوبه د قاید اعظم صوبايي لوبو کې د ۳۵ د سرو زرو مډالونو په ګتلو سره تر نورو صوبو مخکې ده. دغه لوبې په اسلام اباد کې د پاکستان ورزشي کمپلیکس په جناح لوبغالي کې روانې دي.
د پاکستان د دولتي راډیو د راپور له مخې، د صوبو تر منځ په دغو لوبو کې د پنچاب صوبې ۷۷ مډالونه کټلي دي او دغه صوبه د سرو زرو ۳۵، سپینو زرو ۲۹ او برونزو ۱۳ مډالونو په ګټلو سره له نورو صوبو مخکې او د جدول په لومړي مقام کې ځای لري.
د راپور له مخې، پښتونخوا، بلوچستان او پلازمېنه اسلام په مساوي ډول د سرو زرو د پنځه ـ پنځه مډالونو په ګټلو سره په دوهم مقام کې ځای لري.
په دغو لوبو کې پښتونخوا پنځه د سرو زرو، ۹ د سپینو زرو او ۹ د برونزو مډالونه ګټلي.
همدارنګه اسلام اباد هم پنځه د سرو زرو، پنځه د سپینو زرو او ۲۱ د برونزو مډالونه او د بلوچستان صوبې هم پنځه د سرو زرو، ۴ د سپینو زرو او ۷ د برونزو مډالونه ګټلي دي.
په ورته مهال سند صوبې بیا د سرو زرو د ۳، سپینو زرو پنځه او برونزو ۱۰ مډالونو په ګټلو سره د یادو سیالیو د نمرو په جدول کې پرر درېیم مقام ده.
د راپور له مخې، د پاکستان تر واک لاندې کشمیر بیا د سرو زرو ۱، سپینو زرو ۲ او برونزو ۴ مډالونو په ګتلو سره په څلورم مقام کې او ګلګت بلتستان بیا د ۴ برونزو مډالونو په ګټلو سره په پنځم مقام باندې دی.
په دغو سیالیو کې شاوخوا ۲۰۰ نارینه او ښځینه لوبغاړو ګډون کړی او په ۱۵ ورزشي څانګو کې سیالۍ کوي.
په دغو سیالیو کې ځغاستي، بیډمینټن، بوکس، فوټبال، هاکي، جوډو، کبډي، کاراټه، سکواش، لامبو وهل، ټینیس، تکواندو، والیبال، وزن پورته کول او غیږ نیونه شامل دي.
