په بنو کې د موسیقۍ پر یو پروګرام برید شوی

د خیبر پښتونخوا د بنو ولسوالۍ په بېزن خېل سیمه کې د موسیقۍ پر یو پروګرام برید شوی دی.

د پروګرام ګډون کوونکي وایي، چې په یاده سیمه کې د موسیقۍ پروګرام روان و، چې په ناڅاپي توګه ډزې پیل شوې.
د دوی په خبره، د موسیقۍ پروګرام د جنګ په ډګر بدل شوی دی.
یو شمېر ویډيوګانې چې په خواله رسنیو کې خپرې شوي ښيي، چې په سیمه کې تر اوسه هم ډزې روانې دي او ګڼ شمېر کسانو ته مرګژوبله هم اوښتې ده.
تر اوسه د تلفاتو بشپړ جزیات خپاره شوي نه دي.