په اسلام اباد کې تر ۱۰ زرو ډېر پولیس چمتو دي چې د پي ټي ای د لاریون مخه ونیسي
د پاکستان د جیو نیوز د راپور له مخې، په اسلام اباد کې د نومبر په ۲۴مه د پي ټي ای د لاریون د مخنیوي لپاره ۱۰ زره او ۷۰۰ پنجابي پولیس چمتو دي. د پنجاب پولیسو پرېکړه کړې، چې د نظم ګډوډونکو سره به سخت چلند وکړي.
د پنجاب د پولیسو د عمومي مشر عملیاتي مرستیال د پنجاب د پولیسو عمومي مشر د حکم په اساس مربوطه سرتېرو ته یو لیک استولی دی.
د دغه لیک له مخې، له ټول پنجاب څخه لس زره او ۷۰۰ کسان د پي ټي ای د لاریون لپاره چمتو دي.
تر دې مخکې پاکستاني رسنۍ جیو نیوز راپور ورکړی و، چې د دغو لاریونونو د مخنیوي په موخه د اسلام اباد پولیسو ته د اوښکو بهونکی ګاز او ځيني نور توکي ورکړل شوي دي.
دغې رسنۍ د سرچینو په حواله لیکلي، چې پي ټي ای تر دې مهاله د لاریون لپاره کومه غوښتنه نه ده کړې او د لاریون د ترسره کولو لپاره ۷ ورځې وړاندې د اجازې اخیستل اړین دي.
