درې اړخیزه لوبلړۍ؛ د افغانستان د ۱۹ کلنو ملي لوبډله د عربي اماراتو په وړاندې توپوهنه کوي
د افغانستان د ۱۹ کلنو کرېکټ ملي لوبډلې د متحده عربي اماراتو څخه د لوبې پچه وګټله او لومړی یې د توپوهنې پرېکړه وکړه.
د متحده عربي اماراتو په کوربه توب د یو ورځنیو لوبو د درې اړخیزې لوبلړۍ په دوام نن افغان لوبډله د متحده عربي اماراتو په وړاندې لوبیږي.
د لوبې پچه د افغانستان د ۱۹ کلنو کرېکټ ملي لوبډلې وګټله او د سیالې لوبډلې په وړاندې یې د توپ وهنې پرېکړه وکړه.
د عربي اماراتو د لوبډلې په وړاندې د افغان لوبډلې په ۱۱ کسیز نوملړ کې د محبوب تسکین په لوبډلمشرۍ، عزیر خان، برکت الله ابراهمیزی، فیصل خان، حمزه علیخل، عزت خان بارکزی، نظیف الله امیري، نصرت نورستاني، نصیر خان، خاطر ستانګزی او حفیظ الله اخیستل شوي دي.
د یو ورځینو لوبو لوبلړۍ، د افغانستان، پاکستان او متحده عربي اماراتو د ۱۹ کلنو ملي لوبډلو ترمنځ په اماراتو کې ترسره کیږي.
په دغې لوبلړۍ کې افغانستان خپله لومړۍ لوبه کې درې ورځې وړاندې د پاکستان لوبډلې ته د ۱۰۰ منډو په توپیر ماتې ورکړې ده.
د یو ورځنیو سیالیو دغه درې اړخیزه لوبلړۍ د متحده عربي اماراتو په کوربه توب د نومبر په ۱۳مه نېټه پیل شوي او پایلوبه به یې د نومبر میاشتې په ۲۶مه نېټه ترسره شي.
