ټيټيپي وايي، په کویټې کې یوه بله وسلهواله ډله ورسره یو ځای شوه او له دوی یې بیعت وکړ
د پاکستان د طالبانو تحریک وايي، چې د بلوچستان له کویټې ورسره د ابو عمر په مشرۍ یوه بله وسلهواله ډله یو ځای شوې ده.
افغانستان انټرنشنل پښتو ته د ټي ټي پي له لوري په استول شوې خبرپاڼه کې راغلي چې د بلوچستان له کويټې څخه د ابو عمر په مشرۍ یوه وسله واله ډله ورسره یو ځای شوې او د دغې ډلې مشر ابو عمر د تحریک طالبان پاکستان له مشر نور ولي محسود سره بیعت کړی؛ خو دا یې نه دي ویلي چې دغه ډله څومره وسلهوال کسان لري او کله یې له دغې ډلې سره د بیعت خبره کړې ده.
تر دې وړاندې هم ټيټيپي په بلوچستان او وزیرستان کې له دوی سره د ځینو وسلهوالو ډلو د یو ځای کېدو خبره کړې وه.
تحریک طالبان پاکستان تر دې مخکې هم په پاکستان کې له ټولو مخالفو ډلو غوښتي، چې له دوی سره یو ځای شي چې په دې توګه په ټول پاکستان کې«اسلامي او شرعي نظام » ټینګ شي.
که څه هم چې تر اوسه د ټيټيپي سره د دغې نوې ډلې د یو ځای کېدو په اړه کومې خپلواکې سرچېنې څه نه دي ویلي؛ خو تر دې وړاندې د پاکستان پوځ په وار، وار ویلي و، چې دوی د ټولو وسلهوالو ډلو پر ضد عملیات پیل کړي او تر ډېره یې دغه ډلې سختې ځپلې هم دي.
پوځ همدا تېره ورځ په یوه بیان کې ويلي، چې د بلوچستان او وزیرستان په دوو پوځي عملیاتو کې یې ۱۲ وسله وال وژلي دي.
