د پاکستان په بلوچستان ایالت کې د اوبو د یوه بند ۵ ساتونکي د وسلهوالو په برید کې وژل شوي
د پاکستاني رسنیو د راپور له مخې، تېره شپه نامعلومو وسلهوالو د بلوچستان ایالت د پنجګور په سیمه کې د اوبو د بند پر ساتونکو برید کړی چې په پایله کې یې د اوبو د بند پنځه ساتونکي وژل شوي او دوه نور ټپیان دي.
د پاکستان جیونیوز د سې شنبې په ورځ د (لړم ۸مه) راپور ورکړی، چې تېره شپه د بلوچستان ایالت په پنجګور سیمه کې نامعلومو وسله والو د اوبو د یوه بند پر ساتونکو برید کړی، د برید په پایله کې د اوبو د بند پنځه کارکوونکي وژل شوي او دوه تنه نور ټپیان شوي دي.
د بلوچستان د ایالتي حکومت ویاند شاهد رند د پېښي پخلی کړی او ویلي یې دې چې یاده پېښه د پنجګور د پروم په سېمه کې شوي ده.
ښاغلي شاهد رسنیو ته ویلي، چې د دغه برید قربانیان یې د پنجګور روغتون ته لیږدولي، او د برید په اړه یې پلټني پیل کړې دي.
تردې مهاله د دغه برید مسولیت کومې وسله والې دلې په غاړه نه دی اخیستی.
