کریم خُرم: د خیبر جرګې له لوري په افغانستان کې د نجونو د زدهکړو حق غوښتنه د قدر وړ ده
د پخواني ولسمشر حامد کرزي د دفتر مشر عبدالکریم کریم خُرم وايي، په خیبر کې د پښتنو قومي جرګې په وروستي پرېکړه لیک کې په ټولیز ډول د مظلوم ولس دحق غوښتنه او پر ډیورنډ کرښه د ازاد تگ راتگ غوښتنه د ستایلو وړ ده. هغه په جرګه کې د نجونو د زدهکړو غوښتنه د قدر وړ بللې.
نوموړي وړاندې لیکلي: «جرگې وښوده چې ولس هلته ژوندی دی او ښځې په کې فعاله ونډه لري »
همدارنګه ښاغلي عبدالکریم خُرم زیاتوي، چې افغانستان کې د نجونو د زدهکړو حق غوښتنه د قدر وړ ده.
نوموړی وايي، دا لا نه ده څرګنده چې له پښتونخواد پوځیانو او وسله والو د وتلو غوښتنه به څه پایلې ولري.
ښاغلي خُرم دغه څرګندونې په داسې حال کې پر خپل اېکس پاڼه لیکلي دي، چې تېره ورځ ناوخته د پښتون ژغورنې غورځنګ له لارې په خیبر کې د پښتنو تاریخي جرګه د شل مادییز پرېکړه لیک په صادرولو سره پای ته ورسیده.
