د لبنان روغتیا وزارت: د بیروت په څنډو کې د اسراییل په هوايي بریدونو کې ۳۳ کسان وژل شوي

د لبنان روغتیا وزارت د حزب الله د مشر له وژل کېدو یوه ورځ وروسته وویل چې د شنبې په ورځ د (تلې اوومه) د اسراییل په بریدونو کې لږ تر لږه ۳۳ کسان وژل شوي او ۱۹۵ نور ټپیان شوي.

دغه وزارت زیاته کړې چې د تلې له دویمې ورځې راهیسې د اسراییل په بریدونو کې ۷۸۳ کسان وژل شوي دي.

تر دې مهاله دوه زره او ۳۱۲ نور کسان ټپیان شوي هم دي.

د جمعې په ورځ د حزب الله د قوماندې پر یوه مرکز باندې د اسراییل په برید کې د حسن نصرالله په ګډون لږ تر لږه ۱۱ کسان ووژل شول.