د جرمني د بهرنیو چارو وزیره: د اوکراین ملاتړ د مالداویا د ژغورلو ضمانت کوي
د جرمني بهرنیو چارو وزیره وايي، د روسیې په مقابل کې له اوکراین ملاتړ د هغه د ګاونډي هېواد مالداویا د ژغورلو ضمانت کوي او «که اوکراین پرځي ور پسې نمبر د مالداویا ده.» انالنا بېربوک وايي: «هر هغه څه چې مونږ د اوکراین د ملاتړ لپاره کوو، د مالداویا د امنیت او ثبات په معنا هم دي.»
د رویټرز د خبر له مخې د جرمني د بهرنیو چارو وزیرې نن خبري ناستې ته وویل: « دا روښانه ده، چې دلته لویه اندېښنه څه ده؛ که اوکراین سقوط وکړی، مالداویا ورپسې په کتار کې ده.»
انالنا بېربوک د فرانسې، پولینډ، رومانیا، هالنډ او لیتوانیا له بهرنیو چارو وزیرانو سره په کډه په چیسنیاو کې د مالداویا په شراکت د اوکراین اړوند ډلې په غونډه کې کډون کړی دی.
جرمني په اروپا کې د کیف یو مهم ملاتړی دی. دغه ډله په ۲۰۲۲ کال کې هغه وخت جوړ شو، چې روسیې پر اوکراین برید وکړ.
دغه پیلیټ فارم کې د مالدویا هېواد اقتصاد او ثبات برخې تر بحث لاندې نیول کیږي.
د مالدویا ولسمشرې مایا ساندو چې روسیه یې د خپل حکومت د نسکورولو په نیت تورنه کړه.
هغې وویل، چې دغه هېواد یې له سختو ننګونو سره مخ دی او له خپلو ملاتړو هېوادونو یې وغوښتل چې خپل ملاتړ زیات کړي.
ساندو وویل، «د اوکراین پر وړاندې د روسیې جګړه، چې موږ یې له لومړۍ ورځې غندو، زموږ اقتصاد ته یې ډېر زیان رسولی دی.»
د مالدویا هېواد متحدینو هم په اروپايي ټولنه کې د دغه هېواد د شاملیدو لپاره د هڅو هرکلی وکړ.
د ساندو په مشرۍ مالداویا، چې د اوکراین، ناټو او د اروپايي ټولنې د غړي رومانیا ترمنځ پروت دی، تمه لري چې تر ۲۰۳۰ کال پورې په دې بلاک کې شامله شي.
