طالبان: تېره میاشت مو څه باندې ۱۰۳ میلیون ډالره صادرات درلودل
د طالبانو د احصايي او معلوماتو اداره وایي، په تېره زمري میاشت کې يې بېلا بيلو هېوادونو ته ۱۰۳،۳ میليون ډالره صادرات کړي دي. د دغې ادارې د معلوماتو له مخي، د زمري میاشتې د صادراتو ارزښت تر چنګاښ میاشتې ۹،۸ ميليون ډالره زيات دی.
د طالبانو احصایي او معلوماتو ادارې د سې شنبې په ورځ ويلي، چې د وارداتو ټول ارزښت يې ۱۰۱۱.۱ ميليون ډالرو ته رسيږي.
د دوی په خبره، چې په چنګاښ مياشت کې يې د وارداتو ارزښت ۹۴۷،۵ ميليون ډالرو و، چې د زمري مياشت کې په وارداتو کې ۶۳،۶ ميليون ډالره ارزښت زياتوالی راغلی.
د طالبانو احصايي او معلوماتو اداره زياتوي، چې دغه موده کې يې تر ټولو زيات صادرات پاکستان، هند او متحده عربي اماراتو ته کړي او زيات واردات یې بیا له ایرن، چین او پاکستان درلودل.
