پاکستاني رسنۍ وايي، په دغه هیواد کې د انساني قاچاق یوه ډله نیول شوې ده
پاکستاني رسنیو د څېړنو فدرالي ادارې له قوله د یکشنبې په ورځ راپور ورکړی، چې د «افغان او هندي» وګړو د انساني قاچاق یوه نړۍواله ډله یې نیولې ده. د پاکستان د څېړنو د فدرالي ادارې د معلوماتو له مخې دغې ډلې د جعلي اسنادو په برابرولو سره خلک تېر اېستل.
د پاکستان (اې ار وای) خبري رسنۍ د یکشنبې په ورځ د (وږي ۱۸مه) د پاکستان د څېړنو فدرالي ادارې په حواله راپور ورکړی چې دغې ډلې په خپلو چاپخونو کې بېلابېل جعلي اسناد جوړول او خلک یې پرې تېر اېستل.
د یادې ادارې په وینا، دغې ډلې له خلکو څخه په «ميلياردونه روپۍ» وانه کړې ده.
د پاکستان د فساد ضد ادارې وویل، «په دغې ډله کې د هند او افغانستان خلک هم شامل وو.»
د دې ادارې په وینا یادې ډلې له پاکستانه بهر د سیاسي پناه غوښتنو او یا له پاکستانه بهر د کاري فرصتونو برابرولو جعلي اسناد جوړول.
خو د پاکستان د څېړنو فدرالي ادارې دا نه دي ویلي چې دغه ډله څو تنه وو او د دوی په ډله کې څو تنه پاکستاني وګړي وو.
پاکستان په سیمه کې د جعلي اسنادو په جوړولو کې تر ټولو ډیر نومبدی هیواد دی چې وکړي یې ان بهرنیو وګړو ته د خپل هیواد پېژندپاڼې او پاسپورټونه جوړوي او بهر ته یې لیږي.
