د غزې په لویدیځه غاړه کې په تېرو نهو ورځو کې د ۶ ماشومانو په ګډون ۴۰ فلسطینیان وژل شوي دي.
اسراییلي ځواکونو تر دې دمه څلور زره فلسطینیان له دغې سیمې په زور اېستي دي.
له بلې خوا په غزې تړانګه کې د اسراییل په روانو بريدونو کې له پرون سهار راهيسې څه دپاسه اتلس تنه فلسطينيان وژل شوي دي.
ملګري ملتونه وايي، چې اسراييلي پوځ په لويديځه غاړه کې جنګي تګلاره پر مخ بیایي.
د ملګرو ملتونو ویاند سټیفن دوجاریک وویل، چې د اګست میاشتې راهیسې د غزې په مرکزي او سوېلي برخو کې له یو مېلیون څخه زیاتو خلکو خوراکي توکي نه دي ترلاسه کړي او په غزه کې بشري ناوربن لا هم ویجاړونکی دی.
د غزې د روغتیا وزارت وايي، د اسراییلي پوځ لهخوا د پوليو واکسيناسيون د بېړني کمپاين اړوند روغتیایي ډلو ته د غزې سویلي سيمو ته د ننوتو اجازه نه ورکول کېږي.
له بلې خوا د امریکايي یرغمل شویو وګړو کورنیو له ولسمشر بایډن غوښتي، چې له اسراییل پرته دې له حماس سره مستقیمه معامله وکړي.
ورته مهال په تل ابیب کې د نتنیاهو د حکومت پر ضد د اسراییلیانو مظاهرې د پنځمې ورځې لپاره هم دوام لري.
د ۲۰۲۳ کال د اکتوبر له ۷مې نیټې راهیسې پر غزې د اسراییلي ځواکونو په بریدونو کې ۴۰ زره ۸۷۸ فلسطینیان وژل شوي او ۹۴ زره ۴۵۴ تنه ټپیان شوي دي.