مشهورې فلمي ستورې انجلینا جولي، د طالبانو د امربالمعروف وزارت د نوي قانون د توشیح په غبرګون کې دغه ډله « ډارنه او ځپلونکي» وبلله.
انجلینا جولي پر خپل انسټاګرم لیکلې: «هغه سیسټم چې ښځو ته کتل، د ښځو غږ او د ښځو ځواک په کې جرم ګڼل کیږي، ډارن او ځپونکی دی.»
اغلې جولي له دې مخکې هم د طالبانو لهخوا د ښځینه مدني فعالانو نیول او له پاکستان څخه په زور د افغان کډوالو اېستلو ته غبرګون ښودلی و.
طالبانو په دغه قانون کې د ښځو په وړاندې ډیر سخت بندیزونه لګولي دي.
طالبانو د ښځو بشپړ بدن پټول جبري کړی او ویلي دي، چې «د ښځې غږ عورت دی»
د دغه قانون له مخې ښځې اجازه نه لري، چې سندرې ووايي.
طالبانو ښځې ان د «قرائت» کولو څخه هم منع کړې دي.
د طالبانو د قانون له مخې، میرمنې اجازه نه لري چې « تنګې، نازکې او لنډې» جامې واغوندي او له «کافرو میرمنو » څخه باید مخ پټ کړي.
دغه قانون د بشري حقونو فعالانو او یو شمیر هېوادونو له پراخو غبرګونونو سره مخ شوی دی.