د طالبانو د هوا پېژندنې ادارې په ۱۱ ولایتونو کې د سختو بارانونو او سیلابونو د اټکل کړی

د طالبانو د هوا پېژندنې ادارې د افغانستان په ۱۱ ولایتونو کې د سختو اورښتونو، بادونو، بادونو، برېښنا او سیلابونو اټکل کړی دی.

دغې ادارې وړاندوینه کړې، چې د شنبې او یکشنبې په ورځو کې به په یادو ولایتونو کې د باران کچه له ۱۵ تر ۳۰ ملي مترو پورې وي.
د طالبانو هوا پېژندنې ادارې وړاندوينه کړې، چې ښايي په کابل، پنجشېر، لوګر، پکتيا، پکتيکا، بدخشان، نورستان، خوست، ننګرهار، کونړ او لغمان ولايتونو کې باران ووریږي.
همدا راز، د طالبانو د ترانسپورت او هوايي چلند وزارت د هوا پېژندنې رياست وویل، چې په دغو دوو ورځو کې د سالنګونو په ګډون په لوېديځو، سوېلي، ختيځو او مرکزي ولايتونو کې د سختو بادونو د لګیدو امکان شته. دغې ادارې ویلي، چې په دغو سیمو کې د باد سرعت په ساعت کې له ۵۰ تر ۸۰ کیلومترو پورې اټکل شوی دی.
دا په داسې حال کې ده، چې په دې وروستيو ورځو کې، د کابل په لوېديځ او يو شمېر ولايتونو کې د سخت اورښتونو په پایله کې سېلابونه راوتلي چې یو شمېر د استوګنې کورونه یې ویجاړ کړي دي. د کابل د دشت برچي اوسېدونکو د سېلابونو د راوتلو او د خلکو کورونو ته د ور اوښتو زيانونو د ويډيو په لېږلو سره افغانستان انټرنشنل ته وويل، چې تر اوسه یې د طالبانو له پېښو سره د مبارزې وزارت له چارواکو هېڅ مرسته نه ده ترلاسه کړې.