د پاکستان کرېکټ بورډ له بنګلدېش سره د څلورو ټېسټ لوبو لپاره لوبډله اعلان کړه
د پاکستان کرېکټ بورډ له بنګلدېش سره د څلورو ټېسټ لوبو لپاره د شاهينز په نوم ۱۷ کسيزه لوبډله اعلان کړه. کرېکټ بورډ ويلي، چې دغه سيالې به د اګسټ له ۲۱ شروع او د سپتمبر تر ۳مې به دوام وکړي.
بورډ زياتوي، چې له بنګلدېش سره دغه سيالۍ به د پاکستان په کوربتوب په راولپنډۍ او کراچۍ کې وشي.
د پاکستان کرېکټ بورډ د شان مسعود په لوبډلمشرۍ او د سعود شکيل په مرستيالۍ دغه لوبډله اعلان کړې.
په دې لوبډله کې عامر جمال، عبدالله شفیق، ابرار احمد، بابر اعظم، کامران غلام، خرم شهزاد، میر حمزه، محمد علي، محمد حریره، محمد رضوان، نسیم شاه، سيام ایوب، سلمان علي اغا، سرفراز احمد او شاهین شاه افریدي شامل دي.
پاکستان کرېکټ بورډ ويلي، چې لوبډله به یې د اګسټ په ۱۱مه په راولپنډۍ کې تمرين شروع کړي او بنګلدېش لوبډله به د اګسټ په ۱۷ نېټه اسلام اباد ته ورسيږي.
