لویدیځې استخباراتي سرچینې: ایران ښايي د یهودانو د ماتم په ورځ پر اسراییل برید وکړي
لویدیځو استخباراتي سرچینو سکای نیوز عربي ته ویلي، چې ایران پلان لري چې د اګست په ۱۲ او ۱۳ «د یهودانو په تاریخ کې تر ټولو بده ورځ» یا «تیشا بیاو» په نېټو پر اسراییل برید وکړي.
یهودیان د خپل لومړي او دویم معبدونو د ویجاړولو په ماتم کې د «تیشا بیاو» په ورځ روژه نیسي.
د ایران د اسلامي جمهوریت مشر علي خامنه اي مخکې خبرداری ورکړی و، چې اسراییل د اسماعیل هنیه په وژلو سره «د ځان لپاره د سختې سزا زمینه برابره کړه.»
نیویارک ټایمز ورځپاڼې هم راپور ورکړی، چې علي خامنه اي امر کړی چې د هنیه د وژلو په غچ کې دې اسراییل په مستقیمه توګ په نښه شي.
