د پارېس ۲۰۲۴ المپیک؛ د لوبو له رسمي پیل څخه دوې ورځې وړاندې نن د فوټبال سیالۍ پیل شوې
د پارېس د ۲۰۲۴ کال د المپیک فوټبال سیالۍ د دغو لوبو له رسمي پیل څخه دوې ورځې مخکې نن چهارشنبې په ورځ (د زمري ۳مه) نېټه پيل شوې. نن د ورځي او شپې د فرانسې په اتو بېلابېلو لوبغالو او ښارونو کې د فوټبال دغه سيالۍ تر سره کيږي
ټولې لوبډلې به د المپيک فوټبال د سرو زرو، سپينو زرو او برونزو مډالونو د ترلاسه کولو لپاره ولوبيږي.
د فوټبال د المپيک سياليو په لومړۍ ورځ به د اسيا درې لوبډلې عراق، جاپان او ازبکستان له خپلو سيالانو سره مخامخ شي.
عراق به له اوکراین، جاپان له پاراګوای او ازبکستان به له اسپانیا سره لوبه وکړي.
د اولمپيک د فوټبال سيالۍ د بېلا بېلو براعظمونو د شپاړسو ټيمونو په ګډون ترسره کېږي.
لوبډلې په څلورو ګروپونو وېشل شوي او په هر ګروپ کې څلور لوبډلې برخه لري.
د المپيک فوټبال سياليو جدول
لومړۍ ګروپ: فرانسه - امریکا - ګیني - نیوزیلینډ
دویم ګروپ: ارجنټاین – مراکش – عراق – اوکراین
درېیم ګروپ: هسپانیه - مصر - ډومینیکن - ازبکستان
څلورم ګروپ: جاپان – پاراګوای – مالي – اسراییل
د فوټبال ترڅنګ د راګبي اوه کسيزه لوبغاړو سيالۍ هم شروع شوې، د دې سياليو تود هرکلی شوی ټکټونه يې تر ټولو په لوړ بيه پلور شوي دي.
