د یونان ساحلي ساتونکو د دوشنبې په ورځ د ترکیې د دفاع وزارت هغه تورونه رد کړي، چې ګواکې د لېسبوس له ټاپو څخه یې کډوال د ترکیې خاورې ته اړولي دي.
تر دې مخکې د ترکیې د دفاع وزارت پر خواله رسنۍ اېکس د ډرون یوه ویډیو خپره کړې کړې وه، چې د یونان د ساحل ساتونکي عملیات ښیي او زیاته یې کړې یې وه، چې د یونان یوه کښتۍ د لېسبوس ټاپو شمال ته د کډوالو کښتۍ د ترکیې اوبو ته ورلیږي.
د ترکیې د دفاع وزارت ویلي: "زموږ د ساحل ساتونکي ځواکونه سمدستي خبر شول او کډوال د ساحل ساتونکو کښتۍ له خوا وژغورل شول."
د یونان د ساحل ساتونکو یو لوړ پوړي چارواکي د ترکیې د دفاع وزارت په ځواب کې وویل: "دا په هېڅ ډول د کډوالو بېرته لېږل نه دي؛ بلکې د یونان اوبو ته د غیرقانوني کډوالو د ورننوتلو کشف او مخنیوی دی."
یونان د منځني ختیځ، اسیا او افریقا څخه د کډوالو لپاره اروپا ته د تللو لار بلل کیږي.
دغه هېواد د مرستندویه ډلو له خوا د سمندر او ځمکني سرحدونو څخه په زوره د کډوالو پر شړلو تورن شوی، هغه څه چې یوغیرقانوني عمل دی.