د افغانستان د کورني کرېکټ د اووم پړاو لېسټ اې سیالیو په ۹مه لوبه کې پامير لېجينډز لوبډلې د ۳۴ منډو په توپیر د ميوند اتلانو لوبډله ته ماتې ورکړه او له څو پرله پسې ماتو وروسته یې اوله بريا خپله کړه.
د پامير لوبډلمشر دروېش رسولي ۱۴۸ منډې وکړې او لوبډله یې بريا ته ورسوله.
د کورني کرېکټ د لېست اې سیالیو د ۹مې لوبې پچه د میوند اتلانو لوبډلې وګټله او لومړی یې د توپ اچوونې پرېکړه وکړه.
پامير لېجينډز لوبډلې په ۴۷.۳ اور کې د خپلو ټولو لوبغاړو په سوځېدو ۲۷۵ منډې هدف وټاکه.
د پامير لوبډلمشر دروېش رسولي ۱۴۸، ناصر جمال ۳۹ او محمد رياض ۲۷ منډې جوړي کړې.
د ميوند اتلانو لوبډلې په توپ اچوونکو کې محمد الله او یوسف ځاځي درې درې او شرف الدين اشرف دوه لوبغاړي وسوځول.
ميوند اتلانو لوبډله په ۴۶.۵ اور کې د خپلو ټولو لوبغاړو په سوځېدو ۲۴۰ منډې جوړي کړې او لوبه یې د ۳۴ منډو په توپير وبایلله.
دغه یو ورځنۍ سیالۍ د څلورو لوبډلو ترمنځ (د جولای په ۱۰مه) نېټه پیل شوې او د همدې میاشتې تر ۲۵مې نېتې پورې به دوام وکړي.