د کرېکټ نړۍوال جام پایلوبه؛ هند سويلي افريقا ته ۱۷۷ منډې هدف وټاکه
د هند او سويلي افريقا ترمنځ د ۲۰۲۴ کال د کرېکټ ۲۰ اوره نړيوال جام په پايلوبه کې هند خپلي سيالي لوبډلې ته ۱۷۷ منډې هدف وټاکه د همدې لوبې پچه هند لوبډلې وګټله او لومړۍ يې توپوهنه غوره کړه.
د هند کرېکټ لوبډلې د خپلو ۷ لوبغاړو په سوځېدو سويلي افريقا ته ۱۷۷ منډې هدف وټاکه
د هند په لوبډله کې ویرات کوهلی په ۵۹ توپونو ۷۶ منډې جوړي کړې.
د سويلي افريقا په توپ اچونونکو کې کېشو مهاراج او انریچ نورتجي دوه دوه هندي لوبغاړي وسوځول.
هند او سويلي افريقا هغه دوې قوي لوبډلې دي، چې د کريکټ په دې ۲۰ اوره نړيوال جام کې يې یوې لوبډلې هم مات نه کړل او په خپلو ټولو سياليو کې یې برياوي په نوم کړې.
د سوېلي افریقا په تاریخ کې دا لومړی ځل دی، چې لوبډله یې د شل اوره سیالیو نړۍوال جام پایلوبې ته لاره مومي.
د دې پايلوبې د دوهمې برخې له پای ته رسېدو سره به اتله لوبډله معلومه شي.
