د کرېکټ نړۍوال جام پایلوبه؛ نن هند د سوېلي افریقا پر وړاندې د لوبو ډګر ته ښکته کېږي
د کرېکټ نړۍوال شل اوریز جام سیالیو په پایلوبه کې نن ماښام هند د سوېلي افریقا پر وړاندې لوبه کوي. دغه لوبه نن د کابل په وخت د ماښام په اوو بجو په باربادوس لوبغالي کې پیلېږي.
وړمه ورځ د دغو سیالیو په نیمه پایلوبه کې هند انګلنډ ته او سوېلي افریقا افغانستان ته ماتې ورکړه او دواړه لوبډلې وتوانېدې، چې پایلوبې ته ووځي.
له بل پلوه د سوېلي افریقا په تاریخ کې دا لومړی ځل دی، چې لوبډله یې د شل اوریزو سیالیو نړۍوال جام پایلوبې ته لاره مومي.
سوېلي افریقا له هند سره په پنځو وروستیو لوبو کې درې یې ګټلې یوه یې بایللې او یوه یې مساوي پایته رسولې ده.
