شهباز شریف: د فساد، بې کفایتۍ او بې ظرفیتۍ پر وړاندې هېڅ زغم نه شته
په داسې حال کې چې پاکستان له شدید اقتصادي بحران سره مخ دی او پر نوي حکومت د فساد تورونه ورځ تر بلې زیاتیږي، د پاکستان لومړی وزیر شهباز شریف وایي، چې د ده په حکومت کې د فساد، بې کفایتۍ او بې ظرفیتۍ پر وړاندې هېڅ زغم نه شته.
شهباز شریف د سې شبې په ورځ پر خپلې اېکس پاڼې لیکلي، چې د فساد، بې کفایتۍ او بې ظرفیتۍ پر وړاندې هېڅ زغم نه شته.
ښاغلي شریف وویل: «د پاکستان د عامه فوایدو ادارې (PWD) د لغوه کولو په اړه زما پرېکړه، د هغه فساد د له منځه وړلو پر لور یو ګام دی چې زموږ سیستم له دننه څخه د سرطان په څېر خوري.»
د پاکستان لومړي وزیر د یوې صادقانه، متعهدې او لا اغیزمنې بېروکراسۍ د رامنځته کولو لپاره خپله ژمنه څرکنده کړه او ویې ویل، دا چاره عامه خدمات په لوړ کیفیت وړاندې کوي او د حکومتولۍ معیارونه لوړوي.
د پاکستان لومړی وزیر شهباز شریف دا خبرې په داسې مهال کوي، چې د نوموړي د حکومت سیاسي اپوزیسیون بار - بار د هغه پر حکومت د فساد تور لګوي.
