روح الله يوسفي د سوېډن د ازادۍ مبارزې د سازمان (ایف سي ار) د اتلولۍ کمربند وګاټه
په سوېډن کې مېشت افغان لوبغاړي روح الله یوسفي د «جاني توما» په نوم خپل سوېډني حریف ته ماتې ورکړه. دا سیالي د سوېډن د (ایف سي ار) سازمان له خوا په ۵۶ کیلو ګرامه وزن کې ترسره شوه.
د دې سیالیو په درېیم پړاو کې یوسفي خپل سیال ته ماتې ورکړه او د (ایف سي ار) سازمان د اتلولۍ کمربند یې وګټی
د جاني توما سره د یوسفي سیالي د (ايف سي ار) سازمان د ازادې مبارزې ۲۰م پړاو سيالۍ وه، چې د سوېډن په کوربه توب جوړه شوې وه.
يوسفي چې څو کاله وړاندې يې پلار وفات شوی، د دې سيالۍ له ګټلو وروسته په ډېر احساساتي او ژړا سره وويل: «ما له پلار سره ژمنه کړې وه، چې يوه ورځ به اتل شم او نن اتل شوم، زه پوهیږم چې زما پلار ما ویني او په ما ویاړي.»
یوسفي تر دا مهاله په ازادو سياليو کې پنځه برياوې ګټلي او درې سيالۍ يې بايللي دي.
د یوسفي سيال سوېډنی جاني توما چې د دې سازمان د اتلولۍ کمربند يې په خپل نوم وو، شپږ سيالۍ يې ګټلې او دوې یې بايللي دي.
