په افغانستان کې د فوټسال زونونو د اتلانو سیالۍ نن پیلېږي
په افغانستان کې د فوټسال زونونو د اتلانو سیالۍ نن د اتو لوبډلو په ګډون پیلېږي. دغه لوبې د افغانستان د فوټسال د غوره لیګ کمیټې لهخوا د غوره لیګ سیالیو ته د لارموندنې په موخه نن جمعه ( د غبرګولي په ۴مه) د دغې کمیټې په جمنازیوم کې پیلېږي.
تمه کېږي، چې د دغو لوبو لومړۍ لوبه د پنجشر بهارک او افغانستان ترمنځ نن ماسپښین ۲:۳۰ بجې د افغانستان د فوټبال فدراسیون د فوټسال ورزشي کمیټې په جمنازیوم کې پیل شي.
د دغو سیالیو اتله او د دویم مقام ګټونکې لوبډله به د افغانستان د فوټسال غوره لیګ سیالیو ته لار ومومي.
