د انګلنډ ښځو کرېکټ لوبډلې په دویمه لوبه کې پاکستان ته په ماتې ور کولو لوبلړۍ وګټله
د انګلنډ ښځو کرېکټ لوبډلې د دريو شل اوره لوبو لړۍ په دویمه لوبه کې پاکستان ته د ۶۵ منډو په توپير ماتې ورکړه او دا لړۍ يې په خپل نوم کړه. د انګلنډ ښځو کرېکټ لوبډلې په لومړۍ لوبه کې هم پاکستان ته د ۵۳ منډو په توپير ماته ورکړې وه.
دغه درې شل اوره لوبلړۍ، د انګلنډ په کوربتوب تر سره کېږي.
انګلنډ په دویمه لوبه کې پرون د پاکستان په وخت ماښام د شپې لس بجې په نارتهمپټن لوبغالي کې لومړۍ توپوهنه غوره کړه.
د انګلند ښځينه کرېکټ لوبډلې د خپلو ۶ لوبغاړو په سوځېدو په شلو اورونو کې پاکستان ته ۱۴۴ مندې هدف وټاکه.
د انګلنډ په لوبډله کې اليس کفسي په ۳۳ توپونو ۳۱ او برونټ په ۲۱ توپونو ۳۱ تر نورو لوبغاړو ډېرې منډې جوړې کړې.
د پاکستان په توپ اچونه کې ندا ډار دوې انګلنډۍ لوبغاړي وسوځولې.
خو په توپ وهنه کې د پاکستان ښځينه کرېکټ لوبډلې ټول لوبغاړي په ۱۵.۵ اور کې وسوځېدل او يوازي يې ۷۹ مندې جوړي کړې.
انګلنډ دغه لوبه د ۶۵ منډو په توپير وګټل.
انګلنډ ښځيه کرېکټ لوبډلې په لومړۍ لوبه کې هم پاکستان ته د ۵۳ منډو په توپير ماتې ورکړې وه او د دویمې لوبې ګټلو سره يې د دريو شل اوره لوبو لړۍ په خپل نوم کړه.
د پاکستان او انګلنډ د دې لوبډلو دریمه لوبه د مۍ پر ۱۹ ده.
د ندا ډار په مشرۍ د پاکستان ۱۷ کسیزه لوبډله له شل اوره لوبلړۍ وروسته له انګلنډ لوبډلې سره پنځوس اوره یا یو ورځنۍ درې لوبې هم لري.
په بهر کې د پاکستان ښځينه کرېکټ لوبډلې دا سیالۍ له هغه وروسته دي چې بریتانیا ته تر روانېدو څو ورځي وړاندې یې په خپل کور کې د پنځو شل اوره او د ۳ يو ورځنيو لوبو په دواړه لوبلړیو کې له ويسټ انډيز ماتې وخوړه.
