د قوش تیپې شلاوریز جام سیالۍ؛ د سپین غر او امو لوبډلو ترمنځ سیالي بې پایلې پایته ورسېده
د قوش تېپې ملي شلاوریز جام سیالیو په لړ کې نن د دغو سیالیو پنځمه لوبه د پرلپسې ورښتونو له امله بې پایلې پای ته ورسېده. ننۍ سیالي د سپین غر او امو لوبډلو ترمنځ وه.
د دغې لوبې پچه د امو لوبډلې ګټلې وه او لومړی یې د توپ اچونې پرېکړه کړې وه.
ورته مهال سپین غر لوبډلې په څلورو اورونو کې ۲۲منډې کړې وې او دوه لوبغاړي یې سوځېدلي وو؛ خو د باران د ورېدو له امله دغه لوبه ځای په ځای ودرېده.
تر یوه ساعت ځنډ وروسته دغه لوبه بې پایلې اعلان شوه.
