کرېکټ بورډ: د افغانستان د کرېکټ الف لوبډله د یو ورځنیو لوبو لپاره سریلانکا ته ورسېده

د افغانستان کرېکټ بورډ وايي، د کرېکټ الف لوبډله د سریلانکا الف لوبډلې سره د پنځه یو ورځنیو لوبو تر سره کولو په موخه د چهار شنبې په ورځ د سریلانکا همبنټوټا ښار ته ورسېده.

کرېکټ بورډ وايي، افغان ابدالیان لوبډله به د روانې اپرېل میاشتې په ۲۸مه نېټه د سریلانکا د کرېکټ الف لوبډلې پر وړاندې په لومړۍ یو ورځنۍ لوبه کې د سیالۍ ډګر ته ښکته شي.
افغان کرېکټ بورډ وايي، د افغانستان د کرېکټ الف لوبډلې د یادو سیالیو لپاره بشپړ چمتوالی نیولی دی.
کرېکټ بورډ د یادو سیالیو لپاره تمریناتي کمپ هم ترسره کړی و.
د سریلانکا د الف لوبډلې پر وړاندې د افغانستان الف لوبډلې، اکرام علي‌خېل د لوبډلمشرۍ لپاره ټاکلی دی.
یادې سیالۍ د اپرېل په ۲۸مه پیلېږي او د مې میاشتې تر ۱۴مې نیټې به دوام وکړي.