پاکستانۍ سرچینې: د ټي ټي پي وسلوال د اغزن سیم پرې کولو سره پاکستان ته ننوځي

په یوه ویډیو کې د وسله والو یوه ډله لیدل کېږي، چې پر ډیورنډ کرښه د اغزن تار په پرې کولو سره وزیرستان ته ننوځي. د پاکستان حکومت یوې سرچینې افغانستان انټرنشنل ته تایید کړې، چې دغه وسله وال د پاکستاني طالبانو د قوماندان حافظ ګل بهادر دي.

د پاکستاني طالبانو قومندان حافظ ګل بهادر پورې اړوند وسله والو له کوچني اختر وروسته د اغزن سیم په پرې کولو سره وزیرستان ته ننوتلي دي.
د سرچینې په خبره، په دغو جنګیالیو کې یو شمېر افغانان هم شته.
طالبانو تراوسه په دې اړه څه نه دي ویلي.
له دې سره، پاکستاني چارواکو په ځلونو شکایت کړی، چې حافظ ګل بهادر او د ټي ټي پي جنګیالي د طالبانو تر واک لاندې افغانستان کې امن پټنځایونه لري.
طالبانو د پاکستان دا ادعاوې رد کړې او ویلي یې دي، چې اسلام اباد د امنیت د ټینګښت په برخه کې خپله ناکامي په دغې ډلې اچوي.