د ۲۰۲۴ اسیا جام فوټسال سیالۍ؛ افغانستان نن د کوېټ پر وړاندې لوبېږي
د فوټسال اسیا جام سیالیو پر دوام د افغانستان د فوټسال ملي لوبډله نن په خپلې دویمه لوبه کې د کوېټ پر وړاندې لوبېږي. دغه لوبه د ټایلنډ په کوربهتوب د افغانستان په وخت د ماسپښین په یوه نیمه بجه پیلېږي.
افغانستان د دغو سیالیو لومړۍ لوبه وړمه ورځ د ایران پر وړاندې د ۳-۱ په توپیر وبایلله.
دغه سیالۍ د اپرېل په ۱۷مه نېټه پیل شوې، چې د روانې میاشتې تر ۲۸مې نیټې به دوام وکړي.
په دغو سيالیو کې افغانستان په ډي ګروپ کې له ایران، کوېټ او بحرين سره لوبې لري.
د افغانستان لهخوا په دغو سیالیو کې محمدجواد صفري، علي رضا جعفري، علي احمد محسني، مهدي نوروزي، علي جعفري، میثم فیضي، رضا محسن پور، مهران غلامي، امید قنبري، اکبر کاظمي، محمد مرادي، فرزاد محمودي، حسین محمدي او صیاد مجتبا لوبېږي.
