د افغانستان فوټسال لوبډلې له کويټ سره لوبه ۳-۳ مساوي کړه؛ خو د پرمختګ لپاره لا هم هيلې لري
د افغانستان د فوټسال ملي لوبډله نن د ۲۰۲۴ کال اسیايي فوټسال جام سیالیو په لړ کې له کویټ سره لوبه تر سره کړه. دغه لوبه ۳-۳ په مساوي ډول پای ته ورسېده. په لوبه کې د افغانستان فوټسال ملي لوبډلې په سختۍ ګولونه ووهل؛ خو د کويټ لوبډله بیا دومره تر فشار لاندې نه وه.
د افغانستان فوټسال په لوبډله کې فرزاد محمودي يو او رضا حسين دوه ګولونه ووهل.
دا په ګروپي پړاو کې د افغانستان د لوبډلې دویمه لوبه وه، چې په څلورم ګروپ کې ترسره شوه.
د افغانستان لوبډلې په راتلونکې مرحلې کې د لوبیدلو له پاره بريا ته اړتيا لروده او لوبه یې قوي پیل کړه؛ خو افغان لوبډلې د دوو اسانه ګولونو په ترلاسه کولو د لوبې لومړۍ نيمايي ۲-۱ د کويټ په ګټه پای ته ورسوله.
د افغانستان فوټسال لوبډلې د لوبې دویمه نيمايي قوي پيل کړه او لوبه یې ۲-۲ مساوي کړه؛ خو د کويټ لوبډلې څو دقيقې وروسته دريم ګول وواهه.
د کويټ لوبډلې پنځه فولونه وکړل او په شپږمه فول سره یې افغان لوبغاړي رضا حسين پور، پينالټي ګول کړه او لوبه یې مساوي کړه.
په پام کې ده چې د افغانستان وروستۍ لوبه د بحرين سره ترسره شي.
د افغانستان فوټسال لوبډله هغه مهال بلې مرحلې ته د تلو چانس لري، چې د بحرين لوبډلې ته د دوو ګولونو په توپير ماتې ورکړي او کويټ له ایران څخه ماتې وخوري.
افغان لوبډلې په دې سياليو کې خپله لومړنۍ لوبه ایران ته ۳-۱ بايللې وه.
