ښځینه لومړۍ یو ورځنۍ نړۍواله لوبه: ویسټ انډیز پاکستان ته په ۱۱۳ منډو ماتې ورکړه

د ویسټ انډیز ښځینه لوبډلې نن پنجشنبه په کراچۍ کې د درېیو یو ورځنیو نړۍوالې لوبلړۍ په لومړۍ لوبه کې پاکستان ته په ۱۱۳ منډو ماته ورکړه.

د ویسټ انډیز ښځینه لوبډلې لومړی توپ وهنه وکړه او په ټاکلو پنځوسو اورونو کې یې د اتو لوبغاړو په سوځیدو سره ۲۶۹منډې هدف وټاکه.

د پاکستان ښځینه لوبډله د ۲۷۰ منډو د ترلاسه کولو لپاره په ۳۵.۵ اورونو کې د ټولو لوبغاړو په سوځیدو سره ۱۵۶ منډې ترسره کړي او لوبه یې وبایله.

د ویسټ انډیز لوبډلې کپتان هېلي ماتیوز په زړه پورې سلیزه ووهله. نوموړې د ۱۵څلوریزو په مرسته ۱۴۰ ناسوځېدلې منډې وکړې او شیماني کیمبل ۴۵منډې جوړې کړې.

د پاکستان له لوبډلې څخه سعدیه اقبال او طوبا حسن دوه دوه وېکټې واخیستې.

د پاکستان له لوبډلې څخه طوبا حسن ۲۵، منیبه علي ۲۲ او نجیهه علوي ۲۰ منډې ترسره کړې.

د ویست اندیز له لوبډلې ماتیوز ۳ ویکټې، زایده جیمز او افلي فلیچر دوه- دوه ویکټي او هینري او شمیلیا یوه- یوه ویکټه واخیسته.

هیلي ماتیوز د لوبې غوره لوبغاړې وټاکل شوه.

دویمه لوبه به د یکشنبې په ورځ (د اپریل ۲۱مه) په همدې لوبغالي کې ترسره کیږي.

لوبه به د پاکستان په ځایي وخت د سهار نهه نیمي بجې پیل شي.