د اختریزو مېلو پر مهال په خیبر پښتونخوا کې نږدې شل کسه په اوبو کې ډوب شوي دي

د خیبر پښتونخوا پولیس سرچېنې وايي، د اختریزو مېلو پر مهال ۱۸ تنه ځوانان او تنکي زلمیان په اوبو کې ډوب شوي چې له امله یې لس کسه مړه او اته نور یې بیا ژغورل شوي دي.

سرچینې وايي، دغه پېښې په چارسده، نوښار او کوهاټ ولسوالیو کې شوي او ډوب شوي کسان تر ډېره هغه ځوانان وو چې له نورو سیمو څخه دغلته د مېلو او چکر لپاره ورغلي وو.
داسې راپورونه هم ورکړل شوي، چې په ځینو پېښو کې د ډوبو شویو کسانو له ډلې یو شمېر یې په کوچنیو کښتیو کې چکرې وهلې او د هغوی د ناپامۍ له امله په سېند کې ډوب شوي ډي.
د خیبر پښتونخوا په چارسده او نوښار کې تر دې وړاندې هم ورته پېښې شوې وې او ځیني ځوانان دغلته په اوبو کې د ډوبېدو له امله مړه شوي دي.