د بلوچستان په کچلاغ کې چاودنې سره درې کسان ووژل او ۱۵ ټپیان شول
د بلوچستان په کوچلاغ کې بېګا په یوه جومات کې د چاودنې له امله د یوه پولیس په ګډون درې کسان ووژل او تر پنځلسو ټپیان شول. ځايي چارواکي وايي، چاودنه له روژه ماتی وروسته د لمونځ ادا کولو پر مهال وشوه.
لا هم د دې پېښې مسوولیت کومې ډلې نه دی منلی.
تر دې مخکې د بلوچستان په خضدار بازار کې هم د چاودنې له امله دوه کسان ووژل او پنځه ټپیان شول.
د بلوچستان یووالي ټولنې پر دې بریدونو اندېښنه ښودلې او له حکومت یې د کوټلو امنیتي ګامونو د اخیستو غوښتنه کړې ده.
