د ازادو سياليو افغان لوبغاړي باز محمد مبارز خپل فرانسوي سيال ته ماتې ورکړه
د افغانستان د ګډو رزمي لوبو افغان لوبغاړي باز محمد مبارز له «ایم.ایم.ای» لوبو څخه د درې کلونو لرې والي وروسته دغه ډګر ته بېرته ځواکمن راستون شو. مبارز نن شپه په تایلینډ کې خپل سیال جوهان وان ډیهل لوبغاړي ته ماتې ورکړه.
مبارز په دې بريا سره د خپل ژوند ۱۲ مه مسلکي بريا هم خپل په نوم کړه.
دا لوبه د تایلینډ په فوکټ ښار کې د سینبي مويتای کمپ کې په درېیو پنځه دقیقې پړاونو کې ترسره شوه.
باز محمد مبارز د خپل فرانسوي سيال سره د درېيو مرحلو له سيالۍ وروسته ګټونکی اعلان شو.
