د فوټسال نړۍوالې څلور اړخیزې سیالۍ؛ افغانستان مالیزیا ته ماتې ورکړه
د ټایلنډ په کوربهتوب د څلور اړخیزو فوټسال سیالیو پر دوام، تېره ورځ افغان لوبډله د مالیزیا لوبډلې پر وړاندې د لوبو ډګر ته ښکته شوه. افغان لوبډله وتوانېده، چې مالیزیا ته ۳ - ۲ ګولونو په توپیر ماتې ورکړي او په دغو سیالیو کې درېیم مقام خپل کړي.
افغانستان تر دې وړاندې په دغو سیالیو کې د اسټرالیا پر وړاندې د ۵-۴ په توپیر یوه بریا او د مالیزیا سره ۳-۳ مساوي لوبې کړې دي.
دغه څلور اړخیزې نړۍوالې سیالۍ د ټایلنډ په کوربهتوب د افغانستان، اسټرالیا او مالیزیا هېوادونو ترمنځ د وري په ۵مه نېټه پيل شوې وې.
له دغو سیالیو وروسته به د افغانستان د فوټسال ملي لوبډله د میانمار په کوربهتوب د دغه هېواد د فوټسال ملي لوبډلې سره دوه دوستانه سیالۍ هم ولري.
