د هند پر وړاندې د افغانستان د فوټبال ملي لوبډلې لوبه مساوي پای ته ورسېده
د ۲۰۲۶ نړۍوال جام او د ۲۰۲۷ اسیا جام ته د لارموندنې لپاره د هندوستان او افغانستان ترمنځ سیالي مساوي پای ته ورسېده. د افغانستان د فوټبال ملي لوبډله تېره شپه د کابل په وخت ۱۱:۳۰ بجې د عربستان په ابها لوبغالي کې د هندوستان لوبډلې پر وړاندې د لوبو ډګر ته ښکته شوه.
د افغانستان د فوټبال ملي لوبډلې روزونکي اشلي مایکل وستووډ تېره ورځ د یوې خبري ناستې پرمهال ویلي و، چې افغان لوبغاړي له څو ورځو تمرین وروسته دغې لوبې لپاره بشپړه تابیا لري.
افغانستان تر دې وړاندې د دغو سیالیو دوه یې د ۴-۰ لو ۱-۸ په توپیر د قطر او کویټ پر وړاندې بایللې وې.
د دغو سیالیو دویمه لوبه د هند په کوربهتوب د روانې مارچ میاشتې پر ۲۶مه نېټه د هند په ګواهټي ښار کې ترسره کېدونکې ده.
