په ځاځي ميدان ولسوالۍ کې د ۳۲ لوبډلو ترمنځ د رمضان جام د ټېپ بال کرېکټ سيالۍ پيل شوې
د طالبانو تر کنټرول لاندې د خوست ولايت د بدني روزنې او ورزش امريت اړوند د ټېپ بال کرېکټ فدراسيون د استازولۍ له لوري د دغه ولایت د ځاځي میدان ولسوالۍ په اکا کلي کې د ۳۲ لوبډلو ترمنځ د رمضان جام سيالۍ پيل شوې.
د دغو سياليو لومړۍ لوبه د اکا کلي او سټيوال سيال لوبډلو ترمنځ ترسره شوه، چې په پايله کې اکا کلي لوبډلې په اتو اورونو کې د اوو لوبغاړو په سوځېدو سره سیالې لوبډلې ته د ۸۴ منډو هدف وټاکه.
سټيوال سيال لوبډلې په دویمه پاڼۍ کې هدف پوره نه شو کړای او د ۵ منډو په توپير يې ماتې وخوړه.
د رمضان جام د ټېپ بال کرېکټ دغه سيالۍ به ۲۲ ورځې دوام وکړي.
