د پاکستان سمندري ځواکونو د ۱۲ کبګیرو مړي وموندل

د پاکستان سمندري ځواکونو کراچۍ ته څېرمه د ډوبې شوې کښتۍ د ۱۲ کبګیرو یا ماهیګیرو مړي وموندل او د پاتې دوو د موندلو هڅې روانې دي. د دې کبګیرو کښتۍ د مارچ پر پنځه ډوبه شوه د سیند صوبې د کراچۍ او ټټه ترمنځ ډوبه شوه.

د ډان نیوز د راپور له مخې، په کښتۍ کې ۵۰ کسان سپاره و، خو د توپان له امله ډوبه شوه.

په دې پېښه کې ۳۶ کبګیر وژغورل شول او د پاتې د موندلو هڅې پیل شوې، چې لا هم روانې دي.