د سالنګونو لویه لار د تېزې واورې او توپان له امله د ټرافیکو لپاره یو ځلې بیا وتړل شوه
د طالبانو د ټولګټو چارو وازرت ویاند محمداشرف حقشناس خبر ورکړی، چې د سالنګونو لویه لار د تېزې واورې ورېدو، توپان د دید کچې د کمېدو او د ځاني او مالي زيانونو د مخنيوي په موخه تېره شپه په ۸:۳۰ نيمو بجو په وقفهيي ډول د تګ راتګ لپاره وتړل شوه.
هغه د کب په ۲۳مه په اېکس پاڼه لیکلي، د سالنګونو د ساتنې او څارنې رياست هڅه کوي چې د سالنګونو په دواړو خواوو کې بند پاتې وسايط او مسافر وژغوري او خوندي ځايونو ته يې ولېږدوي.
د طالبانو د ټولګټو وزارت له خلکو غوښتي، چې له حوصلې کار واخلي او د دغه وزارت تر بلې خبرتيا دې په دغې لويې لارې تګ راتګ ونه کړي.
د روان کال په لړ کې او د سلواغې میاشتې په رارسېدو د سالنګ لویه لار او ځینې نورې لارې د سختو واورو او توپانونو له امله څو، څو ځلې تړل شوې وې.
