بامیان ولایت د سکي سیالیو اتلولي خپله کړه
په بامیان ولایت کې د طالبانو تر کنټرول لاندې د بدني روزنې او سپورټ ادارې په همغږۍ د دغه ولایت په ګنبدک سیمه کې تېره ورځ د ۳ ولایتونو ترمنځ د سکي سیالۍ ترسره شوې. په دغو سیالیو کې له بامیان، کابل او میدانوردک ولایتونو څخه د ځوانانو او لویانو په دوو برخو کې ۶۰ لوبغاړو ونډه لرله.
په دغو سیالیو کې له بامیان څخه د لویانو له برخې سید ابوالقاسم لومړی، هیبت الله دویم او هادي درېیم مقام خپل کړ.
ورته مهال د ځوانانو په برخه کې بیا مهدي لومړی، رحمت الله دویم او هادي درېیم مقام خپل کړ او د دې سیالیو اتلولي یې وګټله.
