په جاغوري ولسوالۍ کې د ۲۴ لوبډلو ترمنځ د واليبال سيالۍ پيل شوې
د غزني په جاغوري ولسوالۍ کې د درېیمې ورزشي لړۍ د نمانځنې په موخه د ۲۴ لوبډلو ترمنځ د واليبال سيالۍ پيل شوې. د غزني ولایت په جاغوري ولسوالۍ کې دغه پیل شوې سیالۍ به لس ورځې روانې وي.
د دغه ټورنمنټ په لومړۍ لوبه کې د مسیر افتاب او ګلزاریان نوین لوبډلو له یو بل سره سیالي وکړه، چې په پایله کې افتاب لوبډلې سیالې لوبډلې ته د ۳-۰ په توپیر ماتې ورکړه او بریالۍ شوه.
